Autoestimua


KategoriakPsikologia

Ikus, Autoirudia, autokontzeptua eta autoestimua: diferentziak, hiru kontzeptuen arteko desberdintasunei buruz jakiteko.

Autoestimua pertsonak bere buruari buruz egiten duen balorazioa da, bere buruaren autokontzeptuak sorrarazten dizkion sentimenduak eta jarrerak. Bada, halaber, autoestimu kolektiboa, pertsonak bere gizataldeari buruz duena. Alderdi indibidualean nahiz kolektiboan, autoestimuak hiru osagai ditu: osagai kognitiboak pertsonak bere buruari buruz egiten duen definizioa errealitatearekin loturik dagoen finkatzen du eta positiboa denean ez lieke porrotei garrantzi handiegirik eman beharko; osagai emozionalak, berriz, pertsonak bere burua zenbateraino maite duen ezartzen du; azkenik, osagai konduktualak autoestimula portaerarekin lotzen du, pertsonak erabakiak hartu eta aurrera eramateko gaitasuna duen adierazi, eta ez lituzke pertsonaren ahalmenak gutxitu edo hanpatu beharko. 1

Autoestimua funtsezkoa da pertsonak egoera problematiko eta zailei aurrera egiteko; aldi berean, egoera zail horietatik sortutako porrot eta sufrimenduak eragina izan dezake autoestimuan, ondoren etor daitezkeen egoera horiei aurre egiteko ahalmena gutxituz. Horregatik da garrantzitsua estresaren eta porrotaren kudeaketa pertsonal egokia, erresilientzia alegia. Bestalde, autoestimu eskasa duten pertsonek gutxiagotasun-konplexua gara dezakete. Beste alde batetik, gehiegizko autoestimua edo autoestimu positiboegia kaltegarria ere izan daiteke, porrotaren onarpena zaildu egin dezakeelako; frogatu da gainera autoestimu handiegiko pertsonek problemak izaten dituztela besteekiko harremanetan. 2

Ikus, gainera

Erreferentziak

1.
Componentes de la Autoestima . laautoestima.com. http://www.laautoestima.com/componentes-de-autoestima.html. Accessed November 5, 2017.
2.
IDENTIDAD. AUTO-CONCEPTO, AUTO-ESTIMA, AUTO-EFICACIA Y LOCUS DE CONTROL . Ehu-Dokumentuak. http://www.ehu.eus/documents/1463215/1504276/Capitulo+VI.pdf. Accessed November 5, 2017. [Source]
352 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.