Aukera anitzeko probak

Aukera anitzeko probak erantzun zuzen jakina eta finkoa duten galderak biltzen dituen ebaluazio-proba objektibo eta egituratuak dira, non subjektuari aukera batzuk eskaintzen zaizkion erantzuteko haietatik bere ustez zuzena dena aukera ditzan. Erantzun zuzena zehatza da eta argi eta garbi eskaini behar da, puntuazio totala zehazki eta subjektu guztientzat modu uniformean emateko. Beste alde batetik, zuzenak ez diren eta aukeran eskaintzen diren erantzunei distraktore edo nahasgarri deritze.

Aukera anitzeko proben objektibitatea handia bada ere, eragozpen gisa informazio mugatua ematen dute eta ez diote subjektuari bere erantzuna zabaltzen edo argitzen, fenomenoari buruzko osoko ikuspegia mugatuz horrela.

Beste hizkuntzetan: ingelesez, multiple choice test; gaztelaniaz, prueba de opción múltiple.