Afrikako Kongo ibaiko arro hidrografikoa. Ikus daiteke nola arroak Kongo ibaia eta ibaidar guztiak biltzen dituen. Kredituak: Imagico-Wikimedia Commons.
Ibai-arroa edo ibaiaren arroa bere baitako urak jaso eta ibai edo aintzira batera bideratzen dituen depresio edo sakonune motako eremu geologikoa da, maila altuagoko erliebeak mugatua. Bi motako arroak bereizten dira: arro exorreikoa, arroko ibai nagusiak urak beste ibai batera edo itsasora isurtzen dituenean, eta arro endorreikoak, arroko urak aintzira edo laku batera isurtzen dituenean. Arroak azpiarroz eta mikroarroz osaturik egoten dira, arroko ibai nagusiak beste ibai batzuetako urak jasotzen dituenean.
Beste alde batetik, arro hidrografikoa deritzo arroa mugatzen duen eremu geografikoari. Arro hidrografikoa mugatzen duen lerro geografikoari uren banalerro deritzo. Arro hidrologikoa, berriz, arro bateko ur-sistema osoa da, lur gaineko eta lur azpiko urekin, eta ur horien emaria eragiten duten faktore guztiekin batera. Arro hidrologiko bateko ur-laster guztien arteko lotura, urak batetik bestera nola isurtzen diren erakusten duena, sare hidrologikoa da.
Beste hizkuntzetan: ingelesez, water basin, river basin; gaztelaniaz, cuenca hidrográfica.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
