Analisi teknikoa burtsan kotizatzen duten akzioen eta bestelako aktiboen kotizazioen aurresanak egiteko teknika multzo bat da, merkatuko iraganeko eta egungo bilakaeran oinarrituta, etorkizunean errepikatu daitezkeen iraganeko patroiak eta joerak atzemanez. Horretarako ohikoa da analisi teknikoa erabiltzen dutenen chart edo grafikoak eta adierazle ugari erabiltzean, merkatuan dauden joerak aurkitze aldera. Dena den, askoren aldetik analisi teknikoan oinarrituta lortutako etekinak hutsalak dira, eta analisi teknikoaren bitartez egindako aurresanen fidagarritasunari buruzko ebidentzia enpirikorik ez dago. Teorikoki ere, guztiz zalantzazkoa da analisi teknikoak baieztatzen dituen merkatuko joeren bitartez etekinak atera ahal izatea, merkatu efizienteen hipotesiaren arabera, merkatuko prezioak aktiboari buruzko informazio guztia eta beraz bere benetako balioa islatzen dituelako une oro. Ildo horretatik, oinarrizko analisia ere erabil daiteke akzioen prezioa estimatzeko teknika gisa, enpresaren, sektorearen eta ekonomiaren informazio errealean oinarritutsa.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
