Alderdikoikeria (partidismoa)

Partidismoa edo alderdikoikeria diskurtso politikoan alderdi politiko batek bere interes politiko propioen alde, bere boterea, agintea eta eragin soziala indartzeko, eta nahiz ere alderdiak bestela adierazi, interes publiko komunetik urrun eta haiekin zerikusirik izan gabe txertatzen dituen ideia, proiektu edo bestelako mezuak sortu, zabaldu eta indarrean jartzeko estrategia politikoa da.  Alderdikoikeria beti izango da oposizio politikoak aurpegiratzen duen kritika mota bat, kasu batzuetan fundamentuz eta beste batzuetan arrazoirik gabe, alderdi alderdikoiak ez baitu inoiz aitortuko jokabide maltzur hori, eta bere mezuak eta proiektuak ikuspegi politiko zintzo batetik eratorriak direla adieraziko du. Elektoralismoa eta demagogia partidismoarekin loturiko kontzeptuak dira.