Indultua edo indultoa epai baten ondorioz jasotako zigorraren barkamen berezi eta apartekoa da, gobernu edo botere exekutiboak erabakitzen duena. Zigorra jaso duen pertsonak eskatua edo gobernuaren beraren ekimenez eman daitezke. Indultua emateko arrazoiak beti dira bereziak, kasuan kasuko zirkunstantziak aztertzen baita indultua eman ala ez, baina orokorrean justizia eta arrazoi politikoak (gatazka politiko baten konponketa edo itxiera) argudiatzen dira indultua emateko.